ل قصيدة لشاعر المليون في الموسم الأول....................

السلام عليكم


شباب اسمحولي أنزل قصيدة بصراحة(سادحتني) يعني ماكفاني اني أسمعها في الكمبيوتر منزلها على جوالي وغير كذا كتبتها وودي انزلها لأن هذي القصيدة تتدرس
اعرفكم اول شي بصاحب القصيدة : محمد بن فطيس المري
طبعاً غني عن التعريف والقصيدة قالها في برنامج شاعر المليون
لا أطول عليكم القصيدة تقول


بعض العرب حبه يوردك الجنون
ولا يوصف له غلاه حكاك له
مايقنعة وصف الغلا لو وش يكون
لو كل حرفاً بالحرير يحاك له
الموت جاك وهو تقلبه الضنون
ولا لك إلا الصبر ويش وداك له
انت قلت ضايق قال هونها تهون
مايدري أن ضيقتك له وكاك له
تقعد تحبه وأنت ساكت ومغبون
يمكن بيوم يقالك موفاك له
كانك مشكك هو يمون او مايمون
تخيل ان عفت الصبر فرقاك له
غلاه من فوق الغلى ماهو بدون
وحكاه سمعك يجبرك برخاك له
ودك تحطة في العيون من العيون
وتبسط على رمضى الثرى يمناك له
وتظله من الشمس في ظل الجفون
ولا يمر اذنه سوى لباك له
وتسج من غيرة لوانهم يذكرون
ومنين ماسجت القدم ممشاك له
غرم يمله الترف ميل الغصون
غصن الليان ومكرمه بسكاك له
وجديله إلى أقفى ستر من المتون
كني بريحه لاألتفت لدعاك له
كيك وعسل لكن ماهو في صحون
ودعاك من عين الحسود غطاك له
الله لايعطيه ناس ينضلون
ويستر عليه من النحل لاياكله
الوصف والتعبير في وصفه يخون
غير اطلب الله يستجيب دعاك له
وعذال قلبك في محبته يهبون
سكينهم عن قطع حبله حاك له
ناس عن اعراض العرب مايعرضون
ودايم على نفس الشكل والشاكله
اللي من لحوم الأوادم ياكلون
وحلوقهم دفع البلى متواكله
في سلمهم اولى بالأكل الأقربون
وأطيبهم اللي صيدته شكواك له
يدعيهم الشيطان للذنب ويجون
هذا يقطع له وذاك يواكله
ياجعلهم فدوة ثرى الغض الفتون
اللي على الدرب الطويل خطاك له
طيفه إذا نام البشر زارك بهون
وطيفك إذا نام البشر سراك له
حبه دفان ومقبرك خضر الطعون
بين العضام العوج كنك ناكل له
اللي كذ حبه لو تموت مغبون
ولا لك إلا الصبر ويش وداك له




وإعذرونا ياشباب على الإطالة بس حبيت أوريكم الشاعر المعجزة هذا وعما قريب راح أنزل له قصيدة ثانية إن شاء الله.












............ ودمتم سالمين